Altzako Barrutiari buruz

Dokumentu osoa irakurtzeko hemen (word formatoan).
Atalez atal iritziak emateko klikatu izenburuetan:

I.- AURREKARI LEGALAK
II.- BARRUTIA: ANTOLAKETA MODUA
III.- BARRUTIA: ALTZAREN INTEGRITATEAREN EUSKARRI
IV.- ESPARRUA
V.- ESKUMENAK
VI.- ORGANOAK

Sobre el distrito de Altza

Haz klik aquí para descargarte el documento en formato word. 
Por favor deja tus comentarios en la entrada correspondiente de la versión en euskera.

Anexo: Reglamento de organización y funcionamiento

REGLAMENTO DE ORGANIZACIÓN Y FUNCIONAMIENTO DE LA JUNTA MUNICIPAL DEL DISTRITO DE ALTZA, DEPENDIENTE DEL AYUNTAMIENTO DE DONOSTIA-SAN SEBASTIÁN (Documento de trabajo)
Haz klik aquí para descargarte el documento en formato word.
Por favor deja tus comentarios en la entrada correspondiente de la versión en euskera.

Eranskina: Antolaketa eta funtzionamendu Erregelamendua

ALTZAKO BARRUTIAREN UDAL BATZARRA ARAUTUKO DUEN ANTOLAKETA ETA FUNTZIONAMENDU ERREGELAMENDUA
(LANERAKO DOKUMENTU)

Dokumentu osoa Word fitxategian irakurtzeko klik egin hemen..
Atalez atal irukurtzeko eta iritziak idazteko:


AURRETIAZKO TITULUA.- XEDAPEN OROKORRAK. 
1. artikulua.- Altzako Barrutiaren Udal Batzarraren definizoa.
2. artikulua.- Altzako Barrutiko Batzarraren lurralde-eremua.
3. artikulua.- Altzako Barrutiko Batzarraren helburuak.

LEHEN TITULUA.- ALTZAKO BARRUTIAREN BATZARRA I. KAPITULUA.- GOBERNU-ORGANOAK.
4. artikulua.- Zerrendatzea.
5. artikulua.- Batzarraren Lehendakaria eta Auzo-Alkatea.
6. artikulua.- Batzarraren Plenoa.
7. artikulua.- Batzerkideak.
8. artikulua.- Batzordekideen agintaldia.
9. artikulua.- Herri entitateen ordezkariak.
10. artikulua.- Idazkaritza.

II. KAPITULUA.- ALTZAKO BARRUTIAREN UDAL BATZARRA ETA BERE LEHENDAKARIAREN ESKUMEN ETA FUNTZIOAK.
11. artikulua.- Eskumen eta funtzioen esleipena.
12. artikulua.- Funtzioen esleipenerako akordioa.
13. artikulua.- Altzako Barrutiaren Udal Batzarraren Auzo-alkatearen eskuduntza.
14. artikulua.- Altzako Barrutiaren Udal Batzarraren funtzioak.

III. KAPITULUA.- BARRUTIKO UDAL BATZARRAREN FUNTZIONAMENDUA.
15. artikulua.- Bilkuren jaurbidea.
16. artikulua.- Deialdia eta gai zerrenda.
17. artikulua.- Eztabaidetan partehartzea.
18. artikulua.- Aktak.
19. artikulua.- Udalbatzaren funtzionamendu arauen ordezko aplikazioa.

IV. KAPITULUA.- ORGANOEN ARTEKO HARREMANAK ETA BARRUTIKO UDAL BATZARRAREN AKTOEN JAURBIDEA.
20. artikulua.- Zuzendaritza eta koordinazio ahalmenak.
21. artikulua.- Barrutiko Batzarra eta bere lehendakariaren aktoen eraginkortasuna.
22. artikulua.- Errekurtsoak.
23. artikulua.- Ahalmenen gatazka.

V. KAPITULUA.– ALTZAKO BARRUTIAREN BATZARRAREN ADMINISTRAZIOA.
24. artikulua.- Batzarraren bulegoak.
25. artikulua.- Pertsonala atxikitzea.

VI. KAPITULUA.- JAURBIDE EKONOMIKOA
26 artikulua.- Aurrekontuen jaurbidea.
27 artikulua.- Fiskalizazioa.

BIGARREN TITULUA.- BARRUTIKO ALORRETAKO KONTSEILUAK.
28 artikulua.- Barrutiko Alorretako Kontseiluen izaera juridikoa eta eraketa.
29 artikulua.- Osaketa.
30 artikulua.- Funtzioak.
31. artikulua.- Funtzionamendua.
32. artikulua.- Udal zerbitzuei laguntza ematea.
33 artikulua.- Barrutiko Alorretako Kontseiluen aldaketa eta ezabatzea.
34. artikulua.- Barrutiko informazio-batzarra.

XEDAPEN GEHIGARRIAK

ALDIBATERAKO XEDAPENAK

AZKEN XEDAPENA

AZKEN XEDAPENA

Erregelamendu hau Gipuzkoako Aldizkari Ofizialean osorik argitaratzen denetik aurrera sartuko da indarrean.

ALDIBATERAKO XEDAPENAK

Lehena.- Altzako Barrutiko Batzarraren hasierako kideen Agintealdia.
Egun postu eta ardura hori betetzen dituzten Altzako Udal Batzarraren Auzo-alkatea eta batzordekideek hauteskunde berrien ondorioz Korporazio berria osatzen den arte jarraituko dute, Erregelamendu honen 8. artikuluan xedaturikoaren arabera. Hurrengo Udal hauteskundeak ospatzen diren arte, Altzako auzotarren Juntak eta bere Auzo-alkateak Altzako Barrutiko Udal Batzarra eta bere Auzo-alkate bezala jardungo dute, Erregelamendu honetan aurreikusitako eskumen eta funtzioekin.

Bigarrena.- Altzako Barrutiko Batzarrari bitartekoen transferentzia.
1. Altzako Udal Batzarrari egin beharreko bitarteko pertsonalen, lokalen eta beste baliabideen dotazioa, aurrekontuek ematen duten disponibilidadearen baitan egingo da, Batzarra eta Auzo-alkatearengan uzten den eskumenen delegazioaren heinean.
2. Behin behineko egoeran, Altzako Batzarrak gaurko egoitzan burutuko ditu bere funtzioak eta transferituriko pertsonalarekin edo izendatu eta kontratatzea proposatzen duenarekin egingo du.

XEDAPEN GEHIGARRIAK

Lehenengoa.- Erregelamendu Organikoan sartzea.
Erregelamendu hau Donostiako Udalaren Erregelamendu Organikoaren edukian barneratuko da, ondorio guztietarako.

Bigarrena.- Legeri aplikagarria.
Barrutiko Udal Batzarrak eta Barrutiko Alorretako Kontseiluak Erregelamendu honetaz gain, honako legeriaren arabera arautuko da: Tokiko Jaurbidearen Oinarrien Legea, abenduaren 16ko 57/2003 Legeak, Toki Gobernua Gaurkotzeko neurriei buruzkoa, ematen duen idazketarekin, apirilaren 18ko 781/1986 Errege Dekretu Legegilea, toki jaurbidean indarreango xedapenen Testu Bateratua onartzen duena, prozedura administratiboa eta Administrazio Publikoen jaurbide juridikoari dagokion legeri orokorra, Tokiko Entitateen Jaurbidea, Funtzionamendua eta Antolaketari buruzko Erregelamendua eta aplikagarriak izan litezkeen gainerako arauak.

Hirugarrena.- Arlo publikoan ezarritako kontratazio-irizpideetara lotzea.
Altzako Barrutiko Batzarra burutzen dituen kontratazioetan publizitatea eta konkurrentzia printzipioetara lotuko da, Administrazio Publikoen Kontratuak arautzen dituen Testu Bateratuak, 2/2000 EDLak ezarritakoak.

34. artikulua.- Barrutiko informazio-batzarra.

1. Urtean behin gutxienez, Barrutiko Udal Batzarrak bere jarduera eta proiektuen berri emateko batzar informatiboa egingo du, eta barrutian izan litezkeen gaineko eztabaida bultzatuk du. Bilkura horietan ezinezkoa izango da erabakirik hartzea.
2. Batzar horietan edozein herritarrek parte hartu ahal izango du.

33 artikulua.- Barrutiko Alorretako Kontseiluen aldaketa eta ezabatzea.

Barrutiko Udal Batzarrak proposaturik eta bere ekimenez, Korporzioaren Udalbatzak Barrutiko Alorretako Kontseiluen eskumen eremua alda dezake, bere osaketa eraldatu eta, bere kasuan, inguruabarrak horrela gomendatzen dutenean ezabatzea ere, bereziki jarduera ezagatik edo beste arrazoiengatik Kontseilu baten edo batzuen funtzionamendua berauen helburuetarako desegokia suertatzen denean.
Edozein kasuan Altzako Barrutiko Batzarraren aurretiazko aldeko txostena beharko da.

32. artikulua.- Udal zerbitzuei laguntza ematea.

Udal zerbitzu zentralek eta Barrutiko Batzarrak bere funtzioa burutzea erraztuko dien informazioa eta laguntza emango diete Alorretako Kontseiluei, beti ere baliabideen arabera eta xedapen orokorrak aurreikusitako baldintza eta mugekin.

31. artikulua.- Funtzionamendua.

1. Barrutiko Alorretako Kontseiluek bere funtzionamenduan gizarte interesen ordezkaritza dutenak osatzen dituzten organo kolegiatuei aplikatzen zaizkien arau legaletara egokituko dira. Gainera, bere funtzionamendu arauak ere osatu ahal izango dituzte.
2. Bileren akta jasoko du Idazkari lanak egingo dituen Kontseiluen kide batek.

30 artikulua.- Funtzioak.

1. Barrutiko Alorretako Kontseiluaren funtzioak honakoak zaingo dira:
a) Bere eskumeneko arloan barrutiko arazoak aztertu eta neurtzea.
b) Barrutiko Udal Batzarrari proposamenak egitea.
c) Alorretako Kontseiluak proposaturik Barrutiko Udal Batzarrak harturiko akordioak betetzen direla bermatzea.
d) Barrutiko Udal Batzarrarekin kolaboratzea, bere funtzioen eremua.

2. Barrutiko Udal Batzarrak bere eskumeneko gaietan erabaki baino lehen Barrutiko Alorretako Kontseiluen azterketara jarri ahal izango ditu, eta bere Lehendakariak hauen iritsia jaso lezake, Batzarraren gai zerrenda egin aurretik.

29 artikulua.- Osaketa.

1. Barrutiko Alorretako Kontseilu bakoitzaren osaketa, bere eraketa erabakitzen duen akordioan ezarriko da.
2. Kontseilu hauen kideak, eraketa akordioaren arabera, honako hauek ahal izango dira:
a) Udalean ordezkaritza duten talde politikoen ordezkariak.
b) Azken udal hauteskundeetan Barrutian emandako bozken % 1a baino gehiago lortu dituzten talde politikoen ordezkariak.
c) Donostiako Udalerrian helbideraturiko Herritar Entitateen ordezkariak, barrutian jarduerak dituztenak.

3. Barrutiko Alorretako Kontseilu bakoitzeko Lehendakaria Auzo-alkatea edo Batzarrak izenpeturiko batzordekidea izango da.

4. Barrutiko Alorretako Kontseiluen bilkuretan edozein herritar parte hartu ahal izango du, aurrez horrela eskatuta, beti ere Kontseiluak egokitzat joko ez balu ezik.

5. Barrutiko Alorretako Kontseiluak bere kideak ez diren pertsonen partehartzea eskatu ahal izango du, aholkularitza helburuarekin.

28 artikulua.- Barrutiko Alorretako Kontseiluen izaera juridikoa eta eraketa.

1.- Altzako Barrutiaren Udal Batzarrak horrela proposaturik, Korporazioaren Udalbatzak Barrutiko Alorretako Kontseiluak sortuko ditu. Hauen helburua herritar eta elkarteek udal gaietan partehartzea bideratzea izango da.
2. Barrutiko Alorretako Kontseiluak herritarren partehartzea bideratzeko organoak dira, txostenak eta proposamenak egiteko funtzioa izango du, eta beti ere Barrutiko Batzarraren jardun eremuarekin zerikusia izango dute.
3. Barrutiko Alorretako Kontseiluaren jardun eremua zehazterakoan udal zerbitzuen antolakuntza kontuan hartuko da, eta bereziki, ondokoak:
- Kontsumoa eta azoka.
- Kultura, irola eta gazteria.
- Hezkuntza.
- Osasuna eta gizarte zerbitzuak.
- Hirigintza eta oinarrizko azpiegiturak.

27 artikulua.- Fiskalizazioa.

Barrutiko Udal Batzarrak egiten duen kudeaketa ekonomiko-finantzieroa zein aurrekontuen kontrola eta barne fiskalizazioa Udal Korporazioan lan horien ardura duenak egingo ditu, edota Batzarraren langilego propioak haren proposamen eta delegazioz.

26 artikulua.- Aurrekontuen jaurbidea.

1. Udal Aurrekontu Arruntean Barrutiko Udal Batzarraren esku utzitako gastu zehatzei dagozkien diru-atalak jasoko dira, bere eskumeneko funtzioak aurrera eman ditzan.
2. Aurrekontuaren Exekuzio Oinarrietan honako hauek kontsignatuko dira:
a) Altzako Udal Batzarraren eta bere Auzo-alkateak egin ditzaketen gastuen muga.
b) Barrutiko Udal Batzarraren edo Lehendakariaren alde egin litezkeen mandamenduen egoera eta gehienezko kopuruak.
c) Alkate-Lehendakariak Altzako Barrutiko Udal Batzarraren edo bere Auzo-alkatearen alde egin ditzakeen ordainketa aginduen delegazioa egiteko egoerak eta baldintzak.

25. artikulua.- Pertsonala atxikitzea.

1.- Batzarrak beharrezkoa jotzen duen giza baliabideen zenbatekoa eta bere ezaugarriak proposatuko dizkio udalari, eta Administrazio Publikoen pertsonalaren hautaketa zuzentzen duten irizpide eta arauen arabera hautatuko du pertsonala.
2.- Altzako Barrutiaren Batzarraren langileak, dagokion gastua aurrekontuetan aurreikusi duen Udalaren behin behineko langileak izango dira.

24. artikulua.- Batzarraren bulegoak.

1. Barrutiaren Udal Batzarraren bulegoak Alamandegi etxean kokatuko dira, aipatu erabilerara lotuak geldituko direlarik. Bulegoak funtzioari legozkion langileekin hornituko dira.
2. Bulego horietan idazkien Sarrera eta Irteera Erregistroa egon beharko du, Udal Erregistro orokorraren sail bezala funtzionatuko duena, honekin lotura zuzena izango duelarik.
3. Herritarrari informazioa eskaintzeko udal bulegoaren saila ere kokatuko da bertan, barrutian egoitza dituzten herritar erakundeei laguntza emango dietenak.

23. artikulua.- Ahalmenen gatazka.

Barrutiko Udal Batzarra eta Udalaren menpeko entitateen organoen arteko ahalmenen gatazkak Korporazioaren Udalbatzak ebatziko ditu, Toki Jaurbidearen Oinarrien Legeak 50-1-a) artikuluan xedaturikoa jarraituz.

22. artikulua.- Errekurtsoak.

1. Erregelamendu honen ondorioz edo beste xedapen baten eraginez deskontzentraturiko ahalmenak egikarituz Barrutiko Udal Batzarraren edo Auzo-alkatearen akordioen aurka interesatuak Alkatearen aurrean edo kasu bakoitzean izendatzen den organoaren aurrean errekurtso arrunta jarri ahal izango dute.
2. Batzarraren eta Auzo-alkatearen gainerako ebazpen eta akordioak bide administratiboari bukaera jartzen diote.

21. artikulua.- Barrutiko Batzarra eta bere lehendakariaren aktoen eraginkortasuna.

1. Beraien eskumenen arloan Barrutiko Batzarrak onartutako ebazpenak eta bere Auzo-alkateak harturiko akordioak, hurrengo zazpi egunetan Alkatetzari jakinaraziko zaizkio. Igorpen honen faltan ebazpen eta akordioak ez dute eragin juridikorik izango.
2. Jakinerazpena jaso ondoren, Alkateak bost eguneko epea izango du ebazpen eta akordio horiek bertan behera uzteko eta Barrutiko Batzarrari berriro bidaltzeko berauek gaia birplanteatu dezaten. Bere erabaki horren berri Udalbatzari emango dio, bertan behera utzitako ebazpen edo akordioa zuzenbidearen aurkakoa edo Udalak kudeatzen dituen interes orokorraren aurkakoa kontsideratzen duenean. Alkateak delegazioz Batzarraren esku utzitako eskumenak direnean, erabakitzeko ahalmena berreskuratu ahal izango du.
3. Batzarraren eta Auzo-alkatearen erabaki eta ebazpenak exekutiboak izango dira eta goian aipaturiko epea igaro ondoren ondorioak erakarrriko dituzte, bere jakinarazpena edo argitalpena aurreikusi beharko delarik.

20. artikulua.- Zuzendaritza eta koordinazio ahalmenak.

1. Altzako Barrutiko Batzarrak eta bere Auzo-alkateak bere esku utzi zaizkien ahalmenen egikaritzan, udalbatzak onarturiko jarraibide orokor eta zehatzen arabera arituko dira.
2. Alkateak edo, delegazioz, udal administrazioaren sail ezberdinen ardura duten zinegotziek Batzarraren jardueran kolaboratuko dute, egoki den aholkularitza emanez eta bitartekoak jarriaz.

19. artikulua.- Udalbatzaren funtzionamendu arauen ordezko aplikazioa.

Erregelamendu honetan aurreikusten ez denerako, korporazioaren arauak aplikatuko dira, bilkuren ordena zaintzeko Lehendakariak duen ahalmena barne.

18 artikulua.- Aktak.

Idazkariak bilkura bakoitzeko akta idatziko du, eta bertan xedapen orokorretan ezarritako edukiaz gain herritarren elkarteen iritsi eta proposamenak jasoko dira.

17 artikulua.- Eztabaidetan partehartzea.

1. 9. artikuluan aurreikusitako herritar elkarteen ordezkariek beraien eskaera eta proposamenak defendatzeko gai zerrendan sarturiko gaien inguruko bere iritsia emateko hitza hartu ahal izango dute, batzordekideek duten denbora berdin izango dutelarik.

2. Bilkura bukatzen denean auzo-alkateak interesa izan dezaketen gaien inguruko eskari-galderak egiteko aukera emango dio publikoari.

16 artikulua.- Deialdia eta gai zerrenda.

1. Gai zerrendarekin batera deialdia igorriko zaie Batzarkideei, zehaztasun nahikoa izango duena, bilkura egin baino bi egun lehenago. Dokumentazio honi aurreko bilkuraren aktaren zirriborroa gehituko zaio onartua izan dadin.
2. Bi eguneko aurrerapen horrekin ere, deialdia eta gai zerrenda Batzarran ordezkaritza duten elkarteei ere entregatuko zaie eta Barrutiaren Batzarraren iragarki taulan jarriko da ikusgai.
3. Gai zerrendan, batzarkideen eskaerak, herritarren elkarteenak eta Barrutiko Alorreko Kontseiluen proposamenak ere sartuko dira, beti ere gai horien azterketa, txostena, proposamena edo ebazpena Barrutiko Udal Batzarraren eskumena den kasuetan.

15 artikulua.- Bilkuren jaurbidea.

1.- Funtzionamendu arautegi hau Altzako Barrutien Batzar bakarrari aplikatuko zaio, Donostiako udalerriari dagokionez.
2. Barrutiko Udal Batzarrak ohiko bilkura hilabetean behin gutxienez ospatuko du, zehazten diren egun eta orduetan. Bilkura ezohikoa berriz Auzo-alkateak edo Lehendakariak agintzen dutenean edota Batzarkideen heren batek eskatuko balu ospatuko da.
3. Bilkurak egin ahal izateko quoruma legezko batzarkideen heren batek osatzen du, beti ere gutxienez hiru kide izan beharko dutelarik, Auzo-alkatea barne. Edozein kasuan Auzo-alkatea eta idazkaria egon beharko dira. Akordioak hartzeko daudenen gehiengo sinplea beharko da.
4. Barrutiko bilkurak publikoak dira.

14 artikulua.- Altzako Barrutiaren Udal Batzarraren funtzioak.

Auzo Batzarraren funtzioak honako hauek dira:
1. Auzotarrei informazioa ematearen funtzioak:
a) Udalaren jarduera eta zehazki Barrutiari eragina ekar lekiokeen egitasmo, programa eta akordioen berri biztanlegoari ematea, akto hauen inguruan izan litezkeen alegazio epeak azpimarratuz.
b) Udal Administrazioarekiko herritarren eskubide eta betebeharren inguruan informatzea, haien egikaritza eta azken hauen betekizuna erraztuz.
c) Udal Administrazioaren edozein organoaren aurrean aurkezturiko eskaera edo salaketaren izapidetza-egoerari buruzko informazioa ematea. Atal honetan jasotakoaren ondorioetarako, Altzan Udal Informazio Bulegoaren sekzioa egongo da, modu deskontzentratuan antolaturikoa, eta Bulego zentralean infomarzioa lortzeko hiritarrak duten eskubidearen kaltetan gabe.

2. Nahitaezko txostena ematearen funtzioa. Altzako Batzarrak ondoan jasotzen diren aktoen sortze-prozesuan nahitaezko txostena emango du, Barrutiari dagokionean:
a) Hirigintzako Egitasmoak eta urbanizazio eta obren proiektuak.
b) Udal aurrekontuak.
c) Udal Erregelamendu eta Ordenantzak.
d) Deskontzentrazio prozesuari eta herritarren partehartzeari buruzko akordioak.
e) Udal jabari publikoko ondasunen erabilera berezia eta erabilera pribatiboaren emakiden inguruko baimenak.
f) Barrutian instalakuntzak dituzten udal zerbitzuen inguruko akordioak.
g) Garraio publikoen ibilbidea eta geldigune finko eta hautazkoen zehaztapena.
h) Eragile publiko zein pribatuen obra, instalakuntza eta jarduerentzako baimen edo lizentziaren edozein eskaera.
Aipatu aktoen sorerra prozesuan jendaurreko izapidetza aurreikusten denean, Barrutiaren Batzarraren nahitaezko txostena izapidetza horren aurretik eman beharko da. Bestelako kasuetan berriz, txostena formalki eskatzen denetik hilabeteko epean eman beharko da, xedapen baten ondorioz edo prozeduraren gainerako epeak betezearren epea luzeagoa edo motzagoa baimendu edo exigitzen duenean ezik.
Ezarritako epean txostena emango ez balitz izapidetzarekin jarraitu ahal izango da emana izan balitz bezala.

3. Txostena ematearen beste funtzioak.
a) Barrutiaren Batzarrak Udaleko gobernu-organoak eskaturiko txostenak eta bere esku utzitako azterketak egingo ditu.
b) Urtero Barrutian egindako lanak eta emaniko udal zerbitzuen inguruko txostena bidaliko dio aipatu organoei.
c) Biztanlegoaren eta herritarren elkarteen kezka eta nahiak Alkatetzari eta Udaleko gainerako organo eskudunei jakinaraziko diete, dagokien irtenbideak martxan jarri daitezen.

4. Proposamen funtzioak.
a) Aurrekontuen proiektua idazteko garaian, Altzako Barrutiaren Udal Batzarrak barrutiaren beharrei buruzko egoera jakinaraziko dio Udalari, lehentasunak ere markatuz.
b) Barrutiko arazoak konpontzeko hartu beharreko erabaki eta ebazpenen proposamena Alkateari eta Udalbatzari jakinaraziko die.
c) Hirigintzako legeria, klasifikaturiko jarduerei buruzkoa edota barrutiari eragiten dion udal eskumeneko beste edozein gaiei inguruan izandako lege hausteengatik espediente zigortzailearen hasiera proposatu ahal izango diote Udalean eskumena duen organoari.

5. Funtzio erabakiorrak, kudeaketanak eta lankidetza exekutiboarenak.
 a) Barrutiko Batzarrak ikuskizun sozio-kulturalak bultzatuko ditu, jai eta kultura, hezkuntza, kirol eta aisialdi arloetako jarduerak diruz laguntzeko proposamena egingo du, beti ere helburu hauetarako aurreikusitako aurrekontuaren diru-ekarpenak kontuan izanda.
b) Hirigintzako ikuskapena, jarduera klasifikatuak eta Barrutian kokaturiko udal obra eta zerbitzuen zaintza eta jarraipena egiteko eskumena duten udal organoekin, gehi barrutiarentzat interesa izan dezaketen gainerakoekin, lankidetzan jardungo du, ezagutu dituen gertakarien berri haiei emanez zein bere aginduetara jarritako pertsonalaren bitartez.
c) Ahalmen hori espreski esleitzen zaionean, Barrutian kokaturiko kultura, kirola, hirugarren adina eta gainerako arloko udal instalazioen kudeaketan parte hartuko du.

6. Herritarrei idazkien aurkezpena errazteko asmoz, Barrutiko Batzarrean Udalaren Erregistro Orokorraren sail bat eratuko da.

13 artikulua.- Altzako Barrutiaren Udal Batzarraren Auzo-alkatearen eskuduntza.

1. Altzako Barrutiaren Udal Batzarraren Auzo-alkateak honako eskumen eta funtzioak egikarituko ditu:
a) Batzarraren buru izan, bilkuraren deialdia eginez, gaizerrenda prestatuz, bilera altxatuz eta, hala balegokio, bertan behera utziaz, eta eztabaidak zuzendu bozketetan izan litezkeen berdinketak kalitatezko botoarekin erabakiz.
b) Barrutiaren Batzarrak harturiko akordioak gauzatu eta betearazi.
c) Barrutiaren Batzarraren menpe dauden zerbitzu administratiboak zuzendu eta bulegoetako pertsonalaren buru egitea, Alkateari dagokion Korporazioko pertsonal guztiaren buruzagitza gorenaren kaltetan gabe.
d) Barrutiaren Batzarrak bere esku dituen higiezinen eta gainerako udal ondasunen mantenua eta erabilera egokia zaintzea.
e) Aurrekontuaren Exekuziorako Oinarrietan jasotako mugetan gastua onartzea eta Barrutiaren Batzarrari esleituriko aurrekontu-kredituen kontu ematea.
f) Alkateak delegaturiko ordainketak agintzea, beti ere delegazioko Dekretuak zehazturiko baldintzetan.
g) Herri bideen aldi baterako okupazio-lizentziak ematea, instalakuntza finkorik gabekoak, eta beti ere Alkatearen delegazioz eta delegaziorako Dekretuak zehazturiko baldintzetan.
h) Obra txikientzako eta jardueretako baimenak ematea, azken hauek establezimendu horiei jarduera gogaikarri, osansungaitz, kaltegarri eta arriskutsuen legeria aplikatzen ez zaienean, beti ere Alkatearen delegazioz eta delegaziorako Dekretuak zehazturiko baldintzetan.
i) Barrutian izan litezkeen hirigintzako erakunde kolaboratzaileetan Udalaren ordezkaritza izatea, beti ere Alkateak funtzio hori hirigintza saileko zinegotzi-delegatuaren esku utzi ez duen kasuetan.
 j) Barrutian sor litezkeen Alorreko Kontseiluen buru izatea, Batzarraren kide batean delegatzen denean ezik, eta Barrutian osatu diren edo jarduten duten herritar elkarteekin harremanak bultzatzea.
k) Alkate-lehendakariak delegazio zehatzaren bitartez bere esku uzten duen gainerako eskumenak.

2. Auzo-Alkateak deskontzentrazioz edo delegazioz dituen eskumen erabakiorren berri Barrutiaren Batzarrari emango dio.

12 artikulua.- Funtzioen esleipenerako akordioa.

1. Barrutiaren Batzarraren esku Erregelamendu honek aurreikusitako eskumen edo funtzioetatik aparte beste batzuk uzten direnean, Udalbatzak onarturiko deskontzentrazioaren bitartez edota Alkate-Lehenadakariak bere ebazpenaren bitartez delegatutakoak, akordioak edo dekretuak honako hauek zehaztu beharko ditu:
a) Eskumen edo funtzioaren deskribapen zehatza.
b) Emandako eskumena egikarituko duen organoa.
c) Eskumena deskontzentrazioaren printzipiopean edo delegazioz ematen den.
d) Emandako eskumenaren ondorioz sorturiko aktoen aurka jarri ahal izango diren errekurtsoen zehaztapena.
e) Udal organo zentralek bere esku mantentzen dituzten zuzendaritza, koordinazio, ikuskapen eta kontrolaren ahalmenak.
f) Altzako Barrutiaren Batzarrari esleitzen zaizkion giza baliabideak eta bitartekoak, horrela balegokio.
g) Emandako eskumen edo funtzioaren egikaritzarako baldintza izan litezkeen gainerako aipamenak.

2. Eskumen edo funtzio horien emakida modu iraunkor eta orokorrean egingo balitz era berean Erregelamendu honen aldaketa egingo da, funtzioen zerrendan sartua izan dadin.

3. Besterik zehazten ez badute, eskumen eta funtzioen deskontzentrazioa edota delegazioa erabakitzen duten akordio eta dekretuen indarraldia Aldizkari Ofizialean argitaratzen diren egunaren biharamunetik hasiko da. Erregelamendu honen aldaketa suposatzen dutenean, aurreko atalean jasotako adibideetan hain zuzen ere, besterik zehaztu ezean, erregelamenduaren aldaketa Aldizkari Ofizialean argitaratzen den egunaren biharamunetik hasiko da.

11. artikulua.- Eskumen eta funtzioen esleipena.

1. Barrutiaren Udal Batzarra eta bere Auzo-alkateak Erregelamendu honetan eta aurrerantzean, Korporazioaren Udalbatzaren akordioz, Alkate-Lehendakariaren edo beste organo zentralen delegazioz, esleitzen zaizkion eskumenak egikarituko dituzte.
2. Aipatu eskumen eta funtzioak dagozkion lurralde-eremuan egikarituko dira eta lurralde horretan gertaturiko gertakari, jarduera edo inguruabarrrekin izango dute zerikusia beti ere.

10. artikulua.- Idazkaritza.

Barrutiaren Udal Batzarraren idazkaritza Batzarrak propio izendaturiko abokatu batek beteko du, eta Batzarraren jardunaren fede publikoa eman eta legeri mailako aholkularitza burutuko ditu, legez funtzio horiek dituen pertsonaren delegazioz.

9. artikulua.- Herri entitateen ordezkariak.

Herritarren partehartzea bultzatzea bilatzen duen filosofia gauzatu ahal izateko, Altzako Barrutiko Batzarrak irabazteko asmorik gabeko herritar entitateen ordezkaritza onartu ahal izango du.

8. artikulua.- Batzordekideen agintaldia.

1. Barrutiaren udal Batzarraren kideen agintaldiak izendatuak izan zireneko Korporazioaren agintaldiarekin bat egingo du. Halere, Batzarraren kideak bere karguetan jarraituko dute beste batzuk ordezten dituzten bitartean, behin Korporazio berria funtzionamenduan sartu ondoren.
2. Altzako Barrutiko Batzarraren Batzordekideak eta Auzo-alkatea Korporazioaren eraketa-Plenoa egiten denetik hilabeteko epean izendatuko dira. Halere, epe hori igarotzeak ez du ondorengo izendapena baliogabetuko.
3. Batzarraren erdia baino gehiago dimisioa aurkeztu edo kargua utziko balu, Auzo-alkateak Batzarraren Plenoaren eskumenak bereganatuko ditu izendapen berriak egin bitartean.

7. artikulua.- Batzerkideak.

1. Batzordekideak Altzako biztanleak izan beharko dute.
2. Aipatu baldintzaren arabera Batzordekide izendatu izan ahal izateko Donostiako udal erroldan inskribatua egon beharko du, Altzako barrutian, indarreango hauteskunde-legeriaren arabera zinegotzi bezala hautagai izateko eragozpenik edo bateraezintasun arrazoirik ez egotea eta beste Barruti baten Batzarraren Batzordekide ez izatea.

6. artikulua.- Batzarraren Plenoa.

1. Barrutiaren Batzarraren Plenoa Auzo-alkateak eta bi batzordekide osatzen dute.
2. Batzarraren kideen izendapena hauteskunde zuzenaren bitartez egingo da, udal hauteskundeekin batera, Batzarraren lehen osaketa ezik.
Hutsuneak agintaldia bukatzeko gelditzen den eperako beteko dira eta epe hori udal zinegotzien legealdiarekin bat etorriko da.
Aukeraketari hauteskunde prozesua arautzen duen Legeriaren xedapenak aplikatuko zaizkio, Hauteskunde Prozesu Jaurbidea arautzen duen 5/1985 Lege Organikoaren 199. artikulua bereziki.

5. artikulua.- Batzarraren Lehendakaria eta Auzo-Alkatea.

1. Altzaren Barrutiaren Batzarreko Lehendakaria Donostiako Alkatea izango da. Bere funtzioen egikaritza efektiboa Batzarreko kide batengan delegatuko da, Auzo-alkatearen izena hartuko duena, eta hauteskundeetan bozka gehien lortu duen batzordekidea izango dena. Izendapena Donostiako Alkateak egingo du, udalbatzari kontu emanez.
2. Auzo-alkatearen funtzioa udalerri bakoitzean bozka gehien lortu duten bi hautagaiek egikarituko dute, bi urtetik behin txandatuz.
3. Auzo-alkateak Barrutiaren Batzarraren jarduna zuzentzen du eta bere ordezkaria da. Erregelamendu honek jasotako eta Donostiako Alkateak propio bere esku uzten dituen, edota Erregelamenduaren ondorioz bere alde delegatu edo deskontzentratzen dituen eskumenak izango ditu. Lehendakariari bere kudeaketaren berri emango dio, Erregelamendu honetan jasotzen den moduan.

4. artikulua.- Zerrendatzea.

Altzako Barrutiaren Udal Batzarrak honako gobernu-organoak ditu:
a) Batzarraren Lehendakaria.
b) Barrutiaren Auzo-Alkatea.
c) Batzarraren plenoa.

3. artikulua.- Altzako Barrutiko Batzarraren helburuak.

1. Altzako Barrutiaren Batzarraren jarduna honako helburu eta oinarrizko jomuga izango ditu:
a) Udal zerbitzuen kudeaketa eraginkortasuna areagotzea, deskontzentrazioaren bitartez, udal kudeaketa hiritarrei hurbilduz.
b) Biztanleen eskubide eta betebeharrak modu eraginkorrean bermatzea, beraien nahiak bideratuz eta gertutasuna eta partehartzea garatuz.
c) Udal akordio eta jardueren informaziorik zabalena erraztea.
d) Altzaren oraina eta geroa baldintzatuko duten erabakietan partehartzea.

2. artikulua.- Altzako Barrutiko Batzarraren lurralde-eremua.

Barrutiko dagokion Batzarra eratzen da, honako izen eta lurralde-mugaketarekin: Altzako Barrutia.

1. artikulua.- Altzako Barrutiaren Udal Batzarraren definizoa.

Barrutiaren Udal Batzarra Donostiako Udalaren kudeaketa deskontzentratua egiteko lurralde-organoa da, Erregelamendu honetan zehaztutako eskumen eta funtzio izango ditu, eta beti ere Udalerriaren gobernu eta kudeaketa bakarraren kaltetan gabe.

VI.- ORGANOAK

V.- ESKUMENAK

IV.- ESPARRUA

III.- BARRUTIA: ALTZAREN INTEGRITATEAREN EUSKARRI

II.- BARRUTIA: ANTOLAKETA MODUA.

I.- AURREKARI LEGALAK