Debate de los grupos políticos en Teledonosti (08-10-2014)

Prentsaurrekoa (2014-05-28)

Altzan bizi den pertsona oro jabetuko zen dagoeneko Altza leku berezia dela; Donostiako beste zonaldeekin alderatuz gero, izate zeharo desberdinekoa dugula. Izan ere, historiaz beteriko herri hau, aurreko mendean jasandako hirigintza masibo eta birmoldaketa prozesu larriaren ondorioz, egoera sozio-ekonomiko benetan zaila eta korapilatsua pairatzera behartua aurkitzen da. Horrek guztiak, arrazoi historikoak alde batera utzi gabe, altzatarrok izaera propio bat garatzea bultzatu du; baita geure herria hobetzeko beharra sentitzea ere.

2011. urtean, bide horretan lehen atea suposa zezakeen akordioa eman zen Donostiako udalbatzan: Altzan barruti bat sortzearen inguruan batzorde bat eratzeko erabakia hartu zen. Horrela, Altzan hamahiru elkarteren babesarekin lan talde bat osatu genuen Udal Batzordearen paraleloan, eta 2013. urtean idatzi bat erregistratu genuen Udalak egiazko prozesu parte hartzaile eta deszentralizatzaile bat ahalbideratu zezala eskatuz. Lan taldeak barrutiaren sorrerari atxikitariko helburuak honako hauek izan ziren:

1. Hiritarren egiazko parte hartzea ahalbideratzeko, hiritarren eta udal-ordezkarien arteko komunikazioa erraztuz eta auzokideen arteko kohesio soziala indartuz.
2. Hiria eta erabakitzeko guneak deszentralizatzeko, batez ere barrutiari dagokion arloetan, hiriko aurrekontuak eta proiektuak egiteko garaian.
3. Barrutiko auzoen arteko giltzadura osatzeko, eta, ahal den neurrian, Donostiako auzoekin eta beste udalerriko auzo mugakideekin ere bai.
4. Udal departamentuen arteko koordinazioa eta elkar-lana errazteko, barrutiari lotutako gaietan.

Helburu horiek oinarri hartuta eratu den idazki baten bitartez, hainbat elkarte eta norbanako gehiagoren atxikimendua lortu da. Barrutiaren gaia jorratzeko eratutako udal-batzordeak ordea, ez du aurrerapausorik eman. Pasibotasun hau salatuz, Donostiako udalari erabakiak hartzen has dadin eskatzeko aprobetxatzen ditugu lerro hauek.

Hala ere, altzatarrok ez gara udalari begira itxoitearekin konformatuko. Batik bat hedabideetatik udal-alderdi bakoitzaren barrutirako proposamenak ezagutu ahal izan ditugu. Proposamen horiek baina, oso urrun gelditzen dira hemengo biztanleok Altzarako nahi dugun barruti ideiatik, baita bizi dugun errealitatetik ere. Horregatik, Altzak zer nahi duen badakielako eta udaletxetik jasotako proiektu hutsalak gustuko ez ditugulako, lan talde iraunkor bat eratzea erabaki dugu, Altzatik eta Altzarentzat izango den barruti-proposamena aurkezteko asmoz. Diseinu horren oinarriak zeintzuk diren argi dugu:

1. Barrutiaren izena Altza izango da.
2. Barrutia sortzearen oinarrian, ordenantzan, era antidemokratikoan gauzatutako anexioaren eta zio historikoen aitortza.
3. Lurraldetasunari dagokionez, abiapuntua Altza historikoaren eremuan oinarrituko da (hau baita egun dugun erreferente bakarra).
4. Barrutiari pisuzko eskumenen transferitzea; hau da, barrutiaren eraginkortasuna benetako izango da.

Amaitzeko, herritarron desinformazioaz kezkatuta gaudelarik, barrutiaren eratze-prozesuaren inguruko sozializazio kanpaina bat martxan jarriko dugula aurreratzen dugu. Horretarako, eztabaida-mahai, triptiko, hitzaldi eta esku-orrien moduko baliabideak erabiliko ditugu; denon artean, Altzaren errealitatea hobetzeko bidean lehen urratsa emango dugularik.

Altza-Ekialde Barrutia

Orain dela bederatzi urte, 2005. urtean, elkarte talde batek hiriko ekialdean barruti bat eratzeko aldarrikapena egin genuen, baina orduko udalak bidea itxi egin zion erabat proposamenari.

Gaur egun garai horretan bezala pentsatzen dugu: Ekialdeko auzoek, historia bera partekatzeaz gain, hiri barruan berezko nortasuna duen gizarte-eremu bat osatzen dute, elkarbizitzan eta asoziazionismoan eredugarri.

Distrito Altza-Este

Ya en 2005 un conjunto de asociaciones reivindicamos la creación de un distrito en la zona Este de la ciudad, propuesta que fue rechazada en aquel momento por el ayuntamiento.

Entonces, como ahora, entendíamos que esta zona, además de contar con un pasado compartido, en la actualidad conforma un espacio social que es modelo de convivencia y dinamismo asociativo con personalidad propia dentro de la ciudad.

Udal talde politikoen proposamenak / Propuestas de los grupos políticos municipales

Udal talde politikoen proposamenak / Propuestas de los grupos políticos municipales:

• EAJ-PNV: Borrador del distrito de Altza

• PP-PSE: Proposición Reglamento Orgánico de DISTRITOS

• Bildu:

- Ekialdeko bailara barrutiaren arau organikoa
- Propuesta distrito del Este
- Barruti- Metodologia partehartzailea
- Distrito- Propuesta metodológica participativa
- Mapa Distrito Ekialdeko Bailara Barrutia 

Udal batzordeak sortutako dokumentazio guztia hemen 

Toda la documentación creada pro la comisión municipal aquí

Hemeroteka

Hemeroteka azken berriekin eguneratu dugu.
////
Puedes seguir las últimas noticias en la hemeroteca.

Elkarteen bilera (2013-12-18)

Lagunak,

Pasa den azaroaren 27an bilera bat egin genuen azken urtebete eta erdi pasatxo honetan Altzako barrutia sortzearen alde egin dugun ibilbidearen balorazio bat egiteko. Ibilbide horretan emandako azken urratsa Donostiako udaletxean idatzi bat erregistratzea izan da, hamahiru elkartek sinatuta, non udal talde politikoei Altzako barrutiari buruzko udal batzordean egin duten lanaren berri eman dezatela eskatzen zaien eta, aldi berean, hiritarren partehartzea ahalbideratuko duen prozesu bat abiarazi zezatela eskatuz.

Reunión de las asociaciones (18-12-2013)

Amigas, amigos,

El pasado 27 de noviembre tuvimos una reunión en la que hicimos una valoración del proceso que hemos desarrollado a lo largo de este último año y medio a favor de la creación de un distrito en Altza, cuyo último paso fue el registro en el ayuntamiento de una petición respaldada por trece asociaciones en el que se pedía a los grupos políticos municipales dieran cuenta de su trabajo en la comisión municipal sobre el distrito de Altza y se les pedía que activaran un proceso de participación ciudadana.

Orain arte egin dugunaren balorazioa

Urte eta erdiko ibilbidea egin du Altzan barruti bat osatzeko AHMk bultzatutako ahaleginak, eta egindakoaren balorazioa egiteko unea bada. Izan ere, 2012ko ekainean oinarriak bazeuden ahalegin horri ekiteko, baina kontzienteak ere baginen ahalegin hori denboran mugatua behar zuela izan, gaiaren izaera berak gurea bezalako elkarte baten helburuetatik areago doalako.

Azken udal hauteskundeek koiuntura politiko berri baten aurrean jarri gintuzten: alkate igeldotarra -“herriak eta auzoak” hitzetik hortzera erabiltzen zuena-, hiritarren parte hartzea, eta abar. Horrez gain, udalbatzarrak, EAJ alderdiak proposatuz, Altzan barruti bat sortzeko udal batzorde baten sorrera onartu zuen, Martin Ibabe zinegotzi altzatarra buru zuela. Koiuntura, beraz, aldekoa zirudien 2005. urtean  arduradun  politikoek  geldiarazi  zuten  Ekialdea  Barrutia eskaerari –elkarte talde batek, AHM barne, bultzatuta– berriro heltzeko.